ალფა პლიუს აშშ დოლარის სამთავრობო ფასიანი ქაღალდების ფონდი*
ფონდი წარმოადგენს ღია ტიპის ერთობლივ ფონდს, რომელიც დაფუძნებულია საქართველოს კანონმდებლობის შესაბამისად და იმართება შპს ალფა პლიუს ესეთ მენეჯმენტის მიერ (ID: 405611690). ფონდი აერთიანებს ინვესტორების აშშ დოლარის სახსრებს და ახორციელებს ინვესტიციებს მაღალი ხარისხის, ლიკვიდურ აშშ დოლარის სამთავრობო ფასიან ქაღალდებში და უზრუნველყოფს დაბალი რისკის, ფულთან მიახლოებულ საინვესტიციო პროდუქტს კვალიფიციური ინვესტორებისთვის**.
საინვესტიციო მიზანი და სტრატეგია
ფონდის ძირითადი საინვესტიციო მიზანია უზრუნველყოს ფულთან მიახლოებული საინვესტიციო ალტერნატივა, სადაც კვალიფიციურ ინვესტორს შეუძლია მარტივად განახორციელოს ინვესტიცია და გავიდეს მაღალი ლიკვიდურობის საინვესტიციო ხარისხის ფასიანი ქაღალდებიდან აშშ დოლარში. ფონდი მინიმუმ აქტივების 90%-ს დააბანდებს აშშ სამთავრობო სახაზინო ფასიანი ქაღალდების (ნოუთები, ბონდები და ბილები) და მასთან დაკავშირებული ფულადი ბაზრის ინსტრუმენტების პორტფელში. პორტფელის დარჩენილი ნაწილი შეიძლება დაბანდდეს ლისტინგში მყოფ მოკლევადიან საინვესტიციო ხარისხის აშშ დოლარის ფიქსირებული შემოსავლის ფასიან ქაღალდებში. ფონდს უფლება აქვს განახორციელოს რეპო ოპერაციები (მხოლოდ მოკლევადიანი) ან/და ჰეჯირება.
ფონდის სტრუქტურა და საკომისიოები
| აქტივების მმართველი | შპს ალფა პლიუს აქტივების მართვა |
|---|---|
| ვალუტა | აშშ დოლარი |
| მინიმალური ინვესტიცია | A კლასის ერთეულები: 5 მლნ აშშ დოლარი; B კლასის ერთეულები*** |
| ფონდის სტრუქტურა | ღია ტიპის ერთობლივი ფონდი |
| გამოსყიდვა | ნებადართულია ნებისმიერ დროს |
| დივიდენდების განაწილება | ყოველთვიური |
| ვადიანობა | უვადო |
| შეთავაზება | A და B კლასის ერთეულები |
| ანგარიშგება | ყოველდღიური NAV და წლიური IFRS აუდიტირებული ფინანსური ანგარიშგება |
| მარეგულირებელი კანონმდებლობა | საქართველოს კანონმდებლობა |
| ინვესტორები | მხოლოდ კვალიფიციური ინვესტორები |
| ხელმოწერის საკომისიო**** | |
| A კლასის ერთეულები | 0.10% |
| B კლასის ერთეულები | 0.10% |
| წლიური მართვის საკომისიო | |
| A კლასის ერთეულები | 0.25% |
| B კლასის ერთეულები | 0.35% |
| სხვა ხარჯები | საბანკო საკომისიოები, საბროკერო საკომისიოები და ა.შ. |
* ფონდის დოკუმენტაცია მიეწოდებათ კვალიფიციურ ინვესტორებს.
** კვალიფიციური ინვესტორები საქართველოს ფასიანი ქაღალდების კანონის განმარტების შესაბამისად.
*** აქტივების მმართველთან შეთანხმების საფუძველზე.
**** ხელმოწერის საკომისიო გაუქმდება გამოსყიდვიდან 3 თვის ვადაში რეინვესტირების შემთხვევაში.